Husain Ki Beti Mukhtar Husain Fatehpuri Lyrics 2021
Husain Ki Beti Mukhtar Husain Fatehpuri Write Up
Ro Ke Boli Hussain Ki Beti Baap Beti Se Milney Aata Hai.
Pori Hasrat Hoi Sakina Ki Baap Beti Se Milney Aata Hai.
Sochti Hoon Keh Apne Baba Se Neel Kaisay Chupaon Chehray Ke.
Khof Aata Tu Hai Andheron Se Phir Bhi Hai Iltija Meri Sab Se.
Aaj Roshan Na Ho Diya Koi Baap Beti Se Milney Aata Hai.
Jaisay Zainab Phophi Ko Dada Ne Be Rida Umar Bhar Na Dekha Tha.
Mere Baba Ne Bhi Sakina Ko Aaj Tak Sar Khulay Nahi Dekha.
Kash Chadar Kahin Se Mil Jati Baap Beti Se Milney Aata Hai.
Hai Yeh Paiwast Meri Gardan Mein Khud Main Iss Ko Hata Nahi Sakti.
Apne Gardan Buredah Baba Ke Samne Youn Main Ja Nahi Sakti.
Koi Gardan Se Khol De Rasi Baap Beti Se Milney Aata Hai.
Jab Main Milti Thi Apne Baba Se Bahein Gardan Mein Haar Karti Thi.
Tan Buredah Ka Sar Jo Aaye Ga Kaisay Gardan Mein Bahein Dalon Gi.
Terah Zarboon Se Ho Ke Ab Zakhmi Baap Beti Se Milney Aata Hai.
Yaad Be Sheer Ki Satati Hai Bhaiyya Akbar Ki Yaad Aati Hai.
Karbala Walay Kaisay Bastay Hain Kaisay Katti Hai Bhai Qasim Ki.
Unn Se Main Sab Ka Haal Pochon Gi Baap Beti Se Milney Aata Hai.
Bain :AKBAR: They Yeh Sakina Ke Aa Rahe Hain Padar Mujhe Lainay.
Aik Muddat Se Jagi Beti Ko Loriyon Se Woh Khud Sulaein Gay.
Mujh Ko Batla Gayi Hain Khud Dadi Baap Beti Se Milney Aata Hai.
Poet: :Hasnain Akbar:
Noha Khuwan: :Mukhtar Husain Fatehpuri:
Noha Volume: :Mukhtar Husain Fatehpuri 2021-22:
Composition: :Tanveer Khan:
#HusainKiBeti
#NohayLyrics
#tajpoint
Husain Ki Beti Mukhtar Husain Fatehpuri Lyrics 2021 Write Up Poster Image
